I staden for berre opplesing frå ei bok (vi fekk det og) la dei to opp til eit artig og utradisjonelt skodespel om det å vere forfattar og alt det inneber. Skodespelaren Andreas Holt gjorde alt han kunne for å bli ein karakter i boka til Røssland - noko han ikkje heilt lukkast med. Innbakt i alt dette greidde dei to å formidle fleire smarte forteljartriks.
Frisk opplesing
Ingelin Røssland si opplesing frå boka si engasjerte dei femti åttandeklassingane. Spanande og morosam handling, og ikkje minst eit til tider svært friskt språk fall i god smak hjå svært lydhøyre tilskodarar.
Ei flott litteraturoppleving!